22 di mart anochi, den un ambiente alegre i ameno den Rincon, tabatin e tan sperá inskripshon pa kanto krioyo 2026. E festival, ku ta esun mas grandi den nos komunidat, ta konta ku e aña aki un total di 29 komposishon grandi i 13 komposishon hubenil. Esaki ta reflehá ku interes di nos artistanan pa e evento aki ta sumamente altu.

Varios ta e kantante nan ku tur aña di nobo ta inskribí nan mes pa partisipá i grandese e evento aki i ayera nos por bisa ku hopi kara konosí pa e evento aki tabata presente i hopi a indiká di ta preparando fuerte pa konkista e título máksimo  

Kanto krioyo hubenil, ku ta un di e momentonan mas espera pa hóbennan, lo tuma lugá dia 10 di aprel. E festival akí no ta solamente ta un plataforma pa hóben den komunidat, sino tambe un manera pa stimulá i promové kreatividat den nos kultura lokal pa futuro kantadónan di kanto krioyo grandi

Kanto Krioyo Grandi lo kuminsá ku e anochinan preliminar, ku lo tuma lugá dia 8 i 9 di aprel, dunando e oportunidat pa kada partisipante mustra nan kapasidat. E klasifikadonan lo presentá den e anochi final ku lo ta dia 11 di aprel. 

Durante e festival,ku lo tuma lugá na stadion Antonio Trinidat na Rincon e públiko lo por presensia un meskla di tradishon i inovashon, riba nivel musikal, artístiko i emoshonal. E festival no solamente ta un evento di entretenementu, sino tambe un manera pa reforsá nos komunidat i elevá nos kultura na nivel lokal i internashonal

Advertisement