FIFA a anunsiá un serie di regla nobo ku lo ser introdusí den Kopa Mundial 2026 ku lo tuma lugá na Merka, Canada i Meksiko entre 11 di yüni te ku 19 di yüli. E torneo lo ta e sun mas grandi den historia, ku 48 ekipo i 104 partido.

Segun FIFA i IFAB (International Football Association Board), e reglanan nobo ku lo ser implementá, ta pa hasi e partido mas rápido, redusí tempu pèrdí, i garantisá mas hustisia den desishon di rèfri.

Kambionan lo ta:

• VAR mas potente
  E sistema di Video Assistant Referee (VAR) lo por revisá no solamente gol i pinalti, sino tambe di dos karchi hel i sake di skina si akaso rèfri a faya den su desishon. E medida aki ta pa redusí disputa i kontroversia durante e partido . 
• Stòp pèrdida di tempu
  Hungadó mester tuma sake di man, sake di gol i tiru liber den 5 sekònde; si nan no ta hasi esaki, bala lo pasa pa e ekipo kontrali. E meta ta pa mantené e partido den un ritmo mas dinámiko. 
• Kambio i tratamentu ora tin leshon mas rápido
  Ora di Kambio mester sali for di kancha den 10 sekònde, i herido ku ta risibí asistensia mester bandoná tereno pa 1 minüt promé ku regresá bek den e partido. 

E reglanan aki ta pa mantené tèmpo di e partido. 

E kambionan ta mustra evolushon den futbòl, kombiná tradishon ku un eksperensia mas aktivo pa fanátiko i hungadó. Kopa Mundial 2026 no solamente lo ta e mas grandi te awor, sino tambe un test pa e reglanan nobo ku lo transformá futbòl.

Fanátikonan di e deporte Rei ta ansioso pa wak kon e reglanan nobo lo impaktá e torneo  i tambe ki kambio esaki lo trese ku e velosidat di wega.