Papiamentu
Dia 3 di febrüari Konseho Insular di Boneiru a aprobá unanimamente maneho pa Direktorado di Supervishon i Mantenshon, e Kuadro di Implementashon 2026–2028 ku ta kompañ’é, i Dekreto di Mandato pa Direktorado di Supervishon i Mantenshon (T&H).
Ku e adoptashon aki, Boneiru tin un aserkamentu kla i koherente pa Supervishon i Mantenshon. E maneho ta enfoká riba un uso di instrumentonan di enforsamentu dirigí riba riesgo i efektividat, ku un enfoke riba e asuntunan mas urgente sosialmente, manera bentamentu di desperdisio ilegal, seguridat di kuminda, bienestar di bestia i seguridat riba kaminda.
Un komponente klave ta e ekspanshon di mandato di e Direktor pa T&H. Esaki ta permití’e pa desplegá instrumentonan di enforsamentu mas lihé i efisientemente, miéntras ku responsabilidat atministrativo i polítiko ta keda serka Kolegio Ehekutivo. Un prosedura di eskalashon interno a wòrdu establesé pa situashonnan ku impakto atministrativo òf sosial signifikante.
Ku aprobashon unánime, Konseho Insular ta enfatisá e importansia di enforsamentu transparente, previsibel i hustu, i ta trahando pa fortalesé e konfiansa di komunidat den gobièrnu.
Kargando komentarionan...