Papiamentu
Djadumingu 22 di mart a mira un mama Humpback (bayena lomba) i su yu serka di Boneiru, un bista berdaderamente straño i remarkabel. E bayenanan aki no ta wòrdu mira komunmente den e área aki, hasiendo e opservashon aki un oportunidat úniko pa tantu komunidat lokal komo entusiastanan di bida marino.
Bayena di lomba ta algun di e kriaturanan mas impreshonante di oséano. Adultonan por yega te ku 16 meter largu i pisa te ku 30 ton. Nan ta famoso pa nan finnan largu i nan lomba mane un bultu.
E bayena aki ta migra miles di kilometer tur aña, biahando entre terenonan di alementashon polar i awanan pa brui tropikal. Nan ta alimentá nan mes prinsipalmente riba krill i piská chikitu, tin bia usando téknikanan dramatiko manera “bubble nèt feeding”.
Un bayena Humpback muhé por lo general ta duna lus na un solo yu kada 2-3 aña, i e yu ta keda serka e mama pa mas o ménos un aña. Un tempu nan tabata wòrdu di jag kasi te na ekstinshon, pero awor nan ta protehá i ta hasiendo un regreso fuerte, ounke menasanan manera atakenan di barku, ekipo di piska i polushon ta keda.
Miramentunan manera e mama i yu serka di Boneiru ta straño i berdaderamente spesial, dunando nos un bista di e gigantenan suave aki den nan habitat natural.
Screenshot for di video di Facebook di Sijbrand van 't Oever
Kargando komentarionan...