Moneda nashonal di Irán, e rial iraní, a kai te na un punto historiko, oke ta redusí fuertemente e poder di kompa di siudadanonan den e pais.

Segun sifranan di merkado, $1 dolar merikano awor ta balor di mas o ménos 1.6 miyon rial iraní riba merkado liber. Esaki ta nifiká ku si un hende tin solamente $1 USD, teknikalmente e ta un “miyonario” den rial, aunke den realidat e poder di kompa ta hopi mas chikí pa motibu di inflashon haltu i preisnan ku ta sigui subi.

Si un hende tin $10 USD, esaki ta igual na mas o ménos 16 miyon rial, mientras $100 USD ta igual na aproksimadamente 160 miyon rial. E kaida fuerte di e moneda a wordu kousá pa aña di sankshon internashonal, inflashon haltu i problema ekonomiko, loke a hasi ku rial a pèrdè gran parti di su balor den e último dekada.

Pa hopi hende komun den Irán, e situashon tin konsekuensianan serio. Preis di kuminda, kas i otro gastonan di bida diario a subi konsiderablemente, mientras salario i spar den rial ta pèrdè balor kada aña

Ekonomistanan ta bisa ku e rial no a kai literalmente na sero, pero a baha asina fuerte ku awor tin mester di miyonan di rial pa igualá solamente un dòler merikano. E gobièrnu iraní a papia anteriormente tokante kita varios sero for di e moneda komo parti di un posibel reforma monetario.

Advertisement