Papiamentu
Partido MPB a tuma e inisiativa pa habri dialogo ku otro frakshonnan den Konseho Insular ku meta pa yega na un gobiernu stabil pa Boneiru. Den un karta ofisial manda riba 25 di febrüari 2026, MPB a invitá Unión Patriótiko Boneriano (UPB), bou di liderato di sr. James Kroon, i Frakshon Serberie, ku ta lidera pa sra. Salma Serberie, pa sinta huntu na mesa di kombersashon.
Segun MPB, situashon aktual di gobernashon ta konsiderá komo instabil, pasobra no tin un mayoria kla den Konseho Insular pa sostené desishonnan importante. Partido MPB a ekspresá ku no por laga Boneiru keda den un estado di inestabilidat pa un periodo mas largu.
Den e komunikashon, MPB ta pone enfasis riba su sentido di responsabilidat pa desaroyo di Boneiru i e nesesidat pa pone interes di e isla na prome lugá. E partido ta invitá e frakshonnan relevante pa deliberá huntu i eksplorá posibilidatnan pa forma un koalishon ku por garantisá un base den Konseho Insular firme.
Kargando komentarionan...