Papiamentu
Frakshon di UPB a informá frakshon di MPB komo reakshon, di un karta manda 3 di mart di Sr Hennyson Thielman pa Sr James Kroon, ku pa e momento, nan no lo partisipá den reunionnan ofisial pa forma un koalishon nobo. A pesar di esaki, UPB a atendé vários diskushon despues di invitashon di MPB, pero segun e partido esaki no a kambia nan punto di bista tokante e posibilidat di un partnership stabil.
Segun UPB, e situashon polítiko instabil a surgi despues ku un miembro di MPB a laga e koalishon i a pasa pa Partido Demokrátiko, loke a hasi ku e koalishon pèrdè su mayoria den Konseho Insular. E partido ta enfatisá ku den un momentu asina ta importante pa tur parti sigui papia riba posibel solushonnan pa garantisá stabilidat atministrativo te ku e elekshonnan di 2027.
UPB ta bisa ku e interesnan di Boneiru mester bai promé i ku nan ta keda habrí pa diskushonnan konstruktivo ku e meta pa yega na un gobernashon stabil, pa asina e gobièrnu por sigui atendé e retoonan importante ku komunidat ta konfrontá. E karta a wòrdu firmá pa lider di frakshon Benito Dirksz, na nòmber di direktiva di UPB.
Kargando komentarionan...