Originalmente, Senegal a gana e final ku 1–0 despues di tempu ekstendí, selebrando un triunfo históriko. Sinembargo, e Konfederashon Afrikano di Futbol a revisá e partido despues di un apelashon ofisial di Morocco.

E kontroversia ta sentrá riba un momento dramátiko durante e final, na momento ku húngadónan di Senegal a bandona kancha komo protesta kontra un desishon di penalti. Aunke nan a bolbe pa kaba e wega i gana, e konfederashon a determina ku e akshon aki a violá reglanan di torneo.

Komo resultado, e partido a keda deklará komo un derota pa Senegal, i Morocco a wòrdu duna un viktoria di 3–0, ku ofisialmente ta hasi nan kampion di Afrika.

E desishon a krea hopi diskushon den mundu di futbol. Na Senegal, fanátikonan i outoridatnan ta mustra nan desakuerdo ta haña e desishon inhusto i dañino pa kredibilidat di deporte. Federashon di futbol di Senegal a indiká ku nan lo apelá e kaso.

Mientras e otro banda ku ta Morocco, fanátikonan ta selebrando e desishon komo hustisia. Konfederashon Africano di Futbol pa su banda, a defendé su desishon, pero a rekonosé ku tin prekupashon tokante transparensia i konfiansa den futbol Afrikano.

E situashon ainda no a finalisa, ya ku un apelashon por kambia e resultado di un di e finalnan mas kontroversial den historia di futbol.