Komunidat di Rincon ta ekspresá nan preokupashon tokante e estado di vèlt di beisbòl lokal. E vèlt ta un espasio fundamental pa entrenamentu i desaroyo di nos hubentut, pero e mal kondishon di e tereno ta hasi e deporte difísil i inkluso peligroso pa praktiká.

Muchanan di Rincon no por trein òf hungá na un manera sigur, ku ta limitá nan oportunidat pa prepará pa torneo i kompetensianan. Segun komunidat di Rincon, nan talento i esfuerso ta grandi, pero falta di un vèlt adekuá ta frená nan desaroyo.

Komunidat di Rincon ta mal kontentu ku vèlt di Rincon no ta riba lista di proyektonan pa renobashon kompletu ku a wordu planifiká pa VWS. Beisbòl ta un parti importante di bida di hopi hóben, esaki ta kousa desilushon grandi.

Den pasado, komunidat di Rincon a hasi varios intento pa drenta den diálogo ku Indebon pa buska un solushon, pero te ku awor e esfuersonan no a duna resultado konkreto.

Komunidat di Rincon ta hasi un yamada urgente na gobièrnu i otro instansianan relevante pa tuma responsabilidat i aktua pronto. Komunidat ta sugerí solushonnan temporal, manera pone un kapa di santu òf greis riba e vèlt pa hasi e tereno usabel den korto plaso, mientras un renobashon kompletu ta keda planifiká.
“Nos hubentut meresé e mesun oportunidat manera tur otro mucha na Boneiru: un lugá sigur pa trein, desaroyá nan talento i representá nan komunidat ku orguyo,”  según komunidat di Rincon. Nan ta insistí ku gobièrnu tin ku tuma e situashon na serio i bin ku un solushon lo mas pronto posibel.

Advertisement